ملامح صبح

بروق رعود

شعر : خالد الظويفري

جو الهجيني قصير ورود
مايلحق اطـوال قيفاني
لاحن بي للعيون السود
حمر النواظر بي اتعاني

رعبوبة ٍ لابدت للنود
يلعب هواها بالامزاني
بين الثنايا (بروق رعود)
والسيل في جيدها الغاني

متى تهل المطر بوعود
وتفيّض شعاب وجداني
ياحي دل ٍ بهاك العود
لاجيت تغرف من الحاني

وابطيت من روعته مشدود
مدري ذبحني او احياني
وراع الهوى بالهوى منقود
كنه على الناس قوماني

مدري على هالعنى محسود
والا كذا كيد عدواني !
والله ماسلا غلاها كود
يسلا عن النبض شرياني

ولاظن تنسى الوفا بعهود
ولا ظنها يوم تنساني

اترك تعليقاً

لن يتم نشر عنوان بريدك الإلكتروني.