نظرا لنشر البيت الأول من هذا النص المتميز للأمير الشاعر بدر بن عبدالمحسن منسوبا للشاعر نايف صقر, نحتفي هذا العدد بنشره كاملا لتصحيح اللبس مع اعتذارنا للبدر وللقراء الأعزاء..
يطري عليه الوله..وأطري على باله
يامرحبا لاضوى خلي على بابي
هجيت حدب الضلوع ونوخ جماله
لاجله بكت دمعتي ولأجله ضحك نابي
وكل ما ضحك لي لمحت النور في آماله
والى تجهم سترت السقم بثيابي
وكل ما شكى من عنى همه وغرباله
أقول لعل به جرحٍ من أسبابي
طال الحكي ما لقيت الوصل بوصاله
لاني حبيبه ولا هو أقرب اصحابي
ناديت طاري المحبه مالنا وماله
بالحيل أنا وانت ربع وكننا أغرابي
يا زين كانك حزين .. فحالتي حاله
بكفيك همك وأنا بصبر على مابي
لو الشجر له نصيب فـ بارد ظلاله
ماحرق القيض جفني وأنت فـ أهدابي
