شعر: مشعل مسحل الاوبيض
ياللي كتبت الشعر بشعور واحساس
لين ان حرف الشعر بالصوت غنا
شعفتني بالصوت يامشوش الراس
وراسي على الشوشات دايم معنا
لادندنت (شرد المعاني) بالاجراس
قمت استمع للصوت منا ومنا
وغنا هجوسي بالمعاني على الناس
وامتعت كل اللي لشعري تمنا
اسرجت هاجوسي كما قب الافراس
وسيفي من بيوت المعاني محنا
واخذ بها سجه على كل مرواس
نرقا بها فوق القمم ماطمنا
فيها ذهب فاخر من انواع الالماس
وفيها الفرايد بالمعاني تبنا
فيها علاج وطب عن كل هوجاس
للي همومه فوق راسه تحنا
