شعر: مشعل مسحل الوبيض
خلك مع الصاحين بالحيل صاحي
وخلك حريص شوي لاشفت مجنون
وخلك مع الله فالمساء والصباحي
واعلم ترى فالشرع للحق قانون
مادام لك فالخير بابن متاحي
لاتترك السنه ترى الموت مضمون
ولاتشرب الاَّ من زلالٍ قراحي
وخل الهوى لبليس وبليس ملعون
واليا كليت اكل اللذيذ المباحي
والنفس لاتدنع على كل ماعون
خلك مثالي في جميع المناحي
وحاول تغابا احيان لوكنت دندون
وان شفت قدرك عند الادنين طاحي
لاعاد تبدي للمخاليق مكنون
وان شفت حقك من ورى الناس راحي
لا تتركه وتموت لا راح مغبون
ولاتخاوي اللي مع رفيقه سياحي
خلك مع اللي فا المساجد يصلون
وخلك مع اهل الدين واهل الفلاحي
وهون على نفسك من الوقت ويهون
وقتك تراه اليوم صار متواحي
والناس عن قول الحقيقه يصدون
(خلك وسط) واحذر تكون انفتاحي
وخلك فطن لاتكون لزقه بكرتون
خلك وسط
