ملامح صبح

ضيم الزمان

شعر: سميرة العتيبي

يالغايب اللي شوفتك مثل الاحلام
ارجيك وادري رجعتك مستحيله
دموع عيني خالطت حبر الاقلام
فيها وجع (ضيم الزمان) وحصيله

شفني بعد فرقاك.. فـ اعداد الايتام
مستسلم لكف السنين البخيله
توي عرفت ان الفرح كله اوهام
ومالي احد غير الولي واشتكي له

هذي دقايق غيبتك كنها اعوام
ياكيف ابا اصبر.. يالسنين الطويله
صبري وصل حده على مر الأيام
وعزي لمن يحسب نهاره وليله

قلب العناء مما لجا فيه منضام
ولا عاد به غير الجلادة وسيله

اترك تعليقاً

لن يتم نشر عنوان بريدك الإلكتروني.