متابعات

يا مرحبا بك

يامرحبــا بــك ياثمـانـــين عمــري
لو ما هقــيت انّي اشوفـــك وانـا حَـيْ
تَنَاَسَـــلَــــتْ شَعـــرات الايــــام تجـري
وابيضَّـــتْ السّـــودا على ضـامي الـــــرَّي

الشَّمس تمضي وانْجُم الليل تسري
وكلْ شــيٍ صـار في عيـني شــوَي
أبحث عن اللي يرفَـــع الرّاس واشري
ما شْغَلْـت نفسـي بالمَلذّات والغَـي

أشْغَلـــــتْ وقــــتي واستفَــــزْيت عصــري
أصَحّي الغفوات بالشمـــــــــــــــس والفَـي
اغضي .. ولكــــن ما تَناقَصْـــتْ قـــدري
وأسْمَـــحْ .. ولكـــن ما تنـــــازَلت عن شــي

رُمْــتْ المراَجــلْ طفـــــلْ لكــنّي ادري
إنّـــــي أَبَطْــــوي كـــلّ عَسْـــراتها طَـــي
دَرَسْتْ علـم الفكر والعــزّ بــدري
في مدرســة جــدّي وابـوي وعَمـامي

واليـــوم لو ثَقْلَتْ بي الرّجِــــل .. بُصْـــري
لي عـــزمٍ امشـي به علــــى كــلْ مــا في
أَمَاوِجْ المعـنى على بحـر شعـــري
والْـــوي قوافيهــا علـى شْــراعـها لَي

هيْ سَلْـــوِتي بالعمـــرْ إذا ضاق صدري
أداوي جـــــروحي قَبـــلْ حــــــــامي الكَي

خالد الفيصل

اترك تعليقاً

لن يتم نشر عنوان بريدك الإلكتروني.