ملامح صبح

خلك وسط

شعر:خالد الطويل

(على مراد النفس يمشن الاقدام)
واللي توده تقطع أميال دونه
ما تحتري منه الرسايل والالزام
يكفي غيابه شوق للي يبونه

بعض العرب خوة مكانٍ ولا دام
حده مع أصحابه سعة يهجرونه
ما ثمن العشرة ولا قدر أيام
ولا به حسافه وين قفت ضعونه

جربت بالدنيا من العالم ازلام
ما هو قرار يقدرك من تصونه
والود ماله مذهبٍ بين الأقوام
أوقات بأقصى الناس عز ومعونه

واللي يدور بالمدى مجد ووسام
ما تقصر حباله وتعمى عيونه
يكفخ جناحه وين ماحام به حام
الرزق في قفرٍ تصافق مزونه

ولا ينظر الا زي ما قيل (قدام)
واللي ورى يبقى ورى في سكونه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *