شعر: فاطمة المعتاد
تلوح البروق ويذكرون الحيا ينذاع
على(موجة الإرسال)الأخبار رنانه
تهيم المشاعر والخواطر لها بداع
ولا نختلف في بادي البيت عنوانه
أنا لا كتبت القاف اتعب طويل الباع
عسى الله يجملني ليا جيت ميدانه
على كل طاروق ٍ نبي نبدع الابداع
جواهر عديده ما تثمن بمرجانه
وينقص ثم كلن على شانها ينباع
ليا جيت اوصف بالتواصيف رويانه
تضيع جموعٍ ضيعة اللي علينا ضاع
وبقيت معاميله على النار حرقانه
ذكرنا هبوب العام في جوها الذعذاع
تزين العلوم ويستوي جو رسلانه
لعل السموم المقفيه مالها مرجاع
تطول الليالي والمخاليق بردانه
عسى مقبلاتك ياشتا مبدلات اوضاع
لعل الصحاري سيلها لين عمرانه
أنا صدري الواسع مايخفاك فيه اوجاع
مع ان الخفايا حيرت روح. حيرانه
يدور الفلك والناس فيها خفايا ا نواع
ولا ناخذ بهامش عناوين تعبانه
ليا طالت الايام بنشوف من ينباع
نعرف الكريم اللي على سلم جدانه
ليا ضاقت الدنيا خوييٍ عظيم سناع
ولاهو بنقصٍ في مواجيب عربانه
على دايرة دورات الازمان له ميقاع
لكن البلا لو طاح. في كيد. عدوانه
ترا طيحت انجوم السما حرقها فالقاع
لعل السنين ابعاد عن دفن جثمانه
